ဆရာဇော်ရေ...ဒီနှစ်ကတော့ ဘာတွေ ဖြစ်နေမှန်းကို မသိတော့ပါဘူး...ဈေးဆိုင်က လည်း ဈေးရောင်းမကောင်းတော့ မိသားစုစား စရိတ်မကျေဘူး၊ ဆိုင်ထဲက အရင်းတွေက လျော့ လျော့လာတယ်...၊ မိသားစုကျန်းမာ ရေးကလည်း ဟိုလူက နာမကျန်းဖြစ်လိုက်၊ ဒီလူက နာမကျန်း ဖြစ်လိုက်နဲ့ အတော်စိတ် ညစ်နေရတယ်ဗျာ
မိတ်ဆွေဖြစ်သူ ကိုမောင်တိုးက ကျွန် တော်နှင့်တွေ့သည်နှင့် အထက်ပါအတိုင်း ညည်းညူပြောဆိုလာသည်။ ပြီးတော့ သူက ဆက်ပြီး-
ဘေးဒုက္ခတွေဆိုတာ တစ်ခါတစ်ရံမှာ တစ်ခုတည်းမဟုတ်ဘဲ အစုအဝေးနဲ့ လာတတ် တာဗ်၊ စိတ်ညစ်လိုက်ရတာ မပြောပါနဲ့တော့၊ ဟင်း ...
ဘာမှစိတ်မညစ်ပါနဲ့ ကိုမောင်တိုးရယ်၊ ဆင်းရဲဒုက္ခတွေနဲ့ကြုံတွေ့နေကြရတဲ့အခါ သက် သာရာရေစတဲ့ ယတြာတွေ ကျွန်တော်တို့ဗေဒင် ပညာမှာရှိပါတယ်၊ လူတွေမှာ ရှေးရှေးဘဝကပြု ခဲ့တဲ့ ကုသိုလ်တွေက ဒီဘဝမွာ အကျိုးပေး တတ္သလို၊ အကုသိုလ်တွေကလည်း မရပ် မနား အကျိုးပေးတတ်ကြတယ်၊ အဲဒီအကု သိုလ်တွေ ပြေပျောက်ဖို့ ပြုလုပ်ရမယ့်အဓိဋ္ဌာန် ကျင့်စဉ်ယတြာကို ကျွန်တော်ပေးမယ်၊ ဒီယတြာ ကို ကျွန်တော့်သူငယ်ချင်း စာရေးဆရာတစ်ဦးကို ပေးဖူးတယ်၊ တော်တော်တော့ကြာခဲ့ပါပြီ၊
ဒီယတြာမှာ အပိုင်းနှစ်ပိုင်းရှိတယ်၊ယတြာ အစီအရင်အပိုင်းနဲ့ အဓိဋ္ဌာန်ကျင့်စဉ်အပိုင်းတို့ပါ ပဲ၊ ဒီနေရာမှာ ကံဇာတာနိမ့်နေသူတွေဟာ ဘုမ္မိ အရပ်ကျနေသူတွေ၊ ဂြိုဟ်စား ဒသာစီး အညံ့ ကြုံနေသူများဖြစ်တာမို့ ခုနစ်ရက်သားသမီးတွေ ဟာ မိမိတို့ရဲ့ ဘုမ္မိအရပ်၊ ဆပွတ်နေ့တွေကို သိထားရပါမယ်...
ခုနစ်ရက်သားသမီးများ၏ ဘုမ္မိအရပ်
တနင်္ဂနွေသားသမီး၏ ဘုမ္မိအရပ် - တောင်အရပ်။
တနင်္လာသားသမီး၏ ဘုမ္မိအရပ် -အနောက်တောင်အရပ်၊
အင်္ဂါသားသမီး၏ဘုမ္မိအရပ်-အနောက် အရပ်၊
ဗုဒ္ဓဟူးသားသမီး၏ဘုမ္မိအရပ်-အနောက် မြောက်အရပ်၊
ကြာသပတေးသားသမီး၏ဘုမ္မိအရပ်-အရှေ့မြောက်အရပ်၊
သောကြာသားသမီး၏ဘုမ္မိအရပ်-အရှေ့ တောင်အရပ်၊
စနေသားသမီး၏ဘုမ္မိအရပ်-မြောက် အရပ်။
ခုနစ်ရက်သားသမီးများ၏ ဆပွတ်နေ့
တနင်္ဂနွေသားသမီး၏ ဆပွတ်နေ့- သောကြာနေ့၊
တနင်္လာသားသမီး၏ ဆပွတ်နေ့- စေန နေ့၊
အင်္ဂါသားသမီး၏ ဆပွတ်နေ့- တနင်္ဂနွေ နေ့၊
ဗုဒ္ဓဟူးသားသမီး၏ ဆပွတ်နေ့ - တနင်္လာနေ့၊
ကြာသပတေးသားသမီး၏ ဆပွတ်နေ့- အင်္ဂါနေ့၊
သောကြာသားသမီး၏ ဆပွတ်နေ့- ဗုဒ္ဓဟူးနေ့၊
စေနသားသမီး၏ ဆပွတ်နေ့- ကြာသပ တေးနေ့။
ယခုတင်ပြပေးမည့်ယတြာအပိုင်းသည် အလွန်အစွမ်းထက်မြက်ပါသည်။ ၄င်းယတြာကို အဓိဋ္ဌာန်ကျင့်စဉ်ပိုင်းက ပို၍အစွမ်းထက်အောင်၊ ကုသိုလ်လည်းရအောင် များစွာပံ့ပိုးပေးပါသည်။
ယတြာအတွက်လိုအပ်သောပစ္စည်းများမှာ
(၁) ဆန်ကော ၁ ချပ်၊
(၂) ဖန်ခွက် ၁ လုံး၊
(၃) ပန်းကန် ၁ ချပ်၊
(၄) အပ်ချည်အဖြူ ၂ လုံး၊
(၅) ဆန်နို့ဆီဘူး ၉ လုံး၊
(၆) လက်ဖက်အသား ၉ ကျပ်သား၊
(၇) ကွမ်းယာ ၉ ယာ၊
(၈) မဆစ္ဆီ ၉ ကျပ်သား၊
(၉) ဖယောင်းတိုင် ၉ တိုင်၊
(၁၀) အမွှေးတိုင် ၉ တိုင်၊
(၁၁) မတ်စေ့ ၉ စေ့၊
(၁၂) နေ့သား နံသင့်ပန်းတို့ဖြစ်သည်။
ယတြာဆောင်ရွက်ပုံမှာ အပ်ချည်အဖြူ တစ်လုံးစီမှနေ၍ ကာယကံရှင်(နေ့သား/သမီး)၏ လက်နှင့် ၉ လံစီ ၂ ခု အပ်ချည်ကိုဖြတ်ရမည်။ အပ်ချည်ကြိုး ၉ လံ ၁ ခုကို အထုံး ၉ ထုံးပါ သည့် ကြိုးကွင်းဖြစ်အောင် လုပ်ရမည်။ ကျန်သည့် အပ်ချည်ကြိုး ၉ လံကိုတော့ အထုံး မထုံးရပါ။ အဲဒီကြိုးကွင်းနှစ်ခုစလုံးကို ကာယ ကံရှင်အနေဖြင့် ချည်မန်းကွင်းဟု စိတ်ထဲ မွာ မှတ်ယူထားရပါမည်။ ထို့နောက် ကာယကံ ရှင်သည် ၄င်းချည်မန်းကွင်းနှစ်ခုကို ခေါင်းမှစွပ်ပြီး စလွယ်သိုင်းထားရပါမည်။ ယင်းချည်မန်းကွင်း ကို မိမိမွေးနေ့မတိုင်မီ တစ်ညကြိုတင်လုပ်ပြီး စလွယ်သိုင်းထားကာ အိပ်စက်ရပါမည်။
မိမိ၏မွေးနေ့နံနက် ၉ နာရီတွင် ဘုရားစင် ရှေ့၌ ဆန်နို့ဆီဘူး ၉ ဘူးကို ဆန်ကောထဲသို့ ဖြန့်ခင်းလိုက်ရပါမည်။ဆန်အပေါ်မှာပန်းကန်ပြား ၁ ချပ်ကိုတင်၍ ပန်းကန်၏အလယ်တွင် ရေသန့် သန့်ထည့်ထားသည့်ဖန်ခွက်ကို တင်ရမည်။ ဖန် ခွက်၏ဘေးပတ်လည်တွင် ကွမ်းယာ ၉ ယာကို ဝိုင်းပတ်ထားပေးရပါမည်။
(မှတ်ချက်-ဖန္ခြက္ကို ဝိုင်းပတ်ထား သော ကွမ်း ၉ ယာသည် ထုံး ၉ ချက်သုတ် ထားပြီး ကွမ်းသီးတစ်ခြမ်းစီ ထည့်ထားရပါမည်)
သည့်နောက် လက်ဖက်အသားကို ၉ လုံး လုံး၍ ပန်းကန်ပြား၏ဘေးပတ်လည်တွင်စီ၍ ဆန်ပေါ်၌ ထားရှိရပါမည်။ ဆန်ကော၏ ဘေး ပတ်လည်တွင် မတ်စေ့ ၉ စေ့ကို အညီအမွ်စီခ် ထားရပါမည်။ ၄င်းမတ်စေ့များအပေါ်တွင် ဖယောင်းတိုင်ကို စိုက်ထူပေးထားရမည်။ အမွှေး တိုင် ၉ တိုင်ကို ဖယောင်းတိုင် ၉ တိုင်၏တစ် တိုင်စီကြား၌ စိုက်ထူထားရမည်။ ပြီးလျှင် ဗုဒ္ဓ ဘုရားရှင်အား ဆက်ကပ်ပူဇော်ရမည်။
ငါးပါးသီလ ခံယူဆောက်တည်၍ ဂုဏ် တော်ကိုးပါး ပုတီးစိပ်ရမည်။ ဂုဏ်တော်ကိုးပါး ပုတီးစိပ်ပြီးလျှင် အထုံး ၉ ထုံးပါသော ချည်မန်း ကွင်းကို ချွတ်ချရမည်။ ၄င်းချည်မန်းကွင်း၊ ကာယကံရှင်၏ဆံပင် စတိဖြစ်စ၊ ဘယ္ညာ ခြေသည်း၊ ဘယ်ညာလက်သည်းတို့ကို ကာယ ကံရှင်၏ဆပွတ်နေ့သားသမီးကယူ၍ နေ့မကူးမီ ရေစီးထဲသို့မျှောပေးရမည်။
အထုံးမပါသော ချည်မန်းကွင်းကို ခေါက် တုံ့ပြန်ကာ မဆစ်ဆီတွင်စိမ်၍ ဘုရားမီးပူဇော် ပေးရပါမည်။
အထက်ပါယတြာကို ဆောင်ရွက်လျှင် ဘုမ္မိရန်ကျနေခြင်း၊ ဂြိုဟ်စားဒသာစီး အညံ့ ကြုံနေခြင်း၊ စီးပွားရေးမကောင်းခြင်း၊ အမှုအခင်း အချုပ်အနှောင်ခံနေရခြင်း၊ ရောဂါဝေဒနာဆိုး မ်ားကို ခံစားနေရခြင်း၊ အမှောင့်ပယောဂဝင်နေခြင်း၊ အတိုက်အခံပြုခံနေရခြင်းတို့မှလုံးဝကင်း ဝေးသွားစေနိုင်ပါကြောင်း ရေးသားတင်ပြလိုက်ရ ပါသတည်း။ ။
ဝင်းဇော် (သုံးဆယ်)
မူရင်းလင့်။ ။ https://m.facebook.com/story.php?story_fbid=115858609766529&id=100243714661352
မူလေရးသားသူကို crd ပေးပါတယ်
No comments:
Post a Comment