ဤ blog တွင်ရှိသာ post များသည် သူတစ်ပါးတင်ထားသမျှကို မှတ်သားထားခြင်းသာဖြစ်ပါသည်။ Blog ပိုင်ရှင် ရေးသားခြင်းမဟုတ်ပါ။ ထို့ကြောင့် မူရင်းပိုစ့်ပိုင်ရှင်အားလုံးကို Crd ပေးပါတယ်။လိုအပ်တာကို မျှဝေသုံးစွဲနိုင်ပါတယ်။🙂🙂🙂 မူရင်းလင့်ခ်ကိုသွားလိုပါက စာတန်းကိုဖိပေးထားပါ။ open ပေါ်လာလျှင် နှိပ်၍ဝင်ပါ။

Wednesday, September 23, 2020

သဗ္ဗသိဒ္ဓိ ပီယမှော် အဓိဋ္ဌာန်ကျင့်စဉ်




===============================

" ပီယ " ဆိုတာ အများထင်ကြတဲ့ စော်ကြည် 
ဘဲကြည်တာထက်ကို ပိုပါတယ် ။ အချို့ကတော့ 
စန်းပွင့်တယ် ၊ စန်းထတယ် စသည်ဖြင့် 
ပြောလေ့ရှိကြတာပေါ့ ။ စင်စစ်အားဖြင့် 
ရောက်လေရာအရပ်မှာ မျက်နှာပွင့်လန်းတာ ၊ 
ကိုယ်နဲ့တစ်ကြိမ်တစ်ခါ စကားပြောဖူး ၊ တွေ့မြင်ဖူးရုံနဲ့ လိုလိုလားလား ခင်မင်နေတာ ၊ အမ်ားတကာရဲ့
နှစ်သက်လေးစားခြင်း ၊ ကူညီမစခြင်းကို 
ခံရတာတွေဟာ ပီယ ရဲ့ဂုဏ်သတ္တိတွေပါ ။ 
လောကမှာ အမုန်းတရားတွေမရှိဘဲ ချစ်ခင်မှု
တရားသာရှိနေပါလျှင် မုန်းမယ့်သူ ၊ ရန်ပြုမယ့်သူ ၊ 
မလိုမုန်းထာပြုမယ့်သူ ၊ တိုက်ခိုက်မယ့်သူ ၊ 
နှောက်ယှက်မယ့်သူ အားလုံးဟာ ရန်သူမဟုတ်ဘဲ မိတ်ဆွေများ ဖြစ်လာကြမှာပါ ။ တစ်ဦးနဲ့တစ်ဦး 
ရင်ဝယ်သားကဲ့သို့ မေတ္တာသက်ဝင်ပါက 
အန္တရာယ်ကင်းပြီး ငြိမ်းချမ်းမှာ ဧကန်မလွဲဖြစ်ပါတယ် ။ ဒါ့ကြောင့် ကျွန်တော့်ရဲ့ ခုနှစ်ရက် သားသမီး 
မိတ်ဆွေများအတွက် ပတ်ဝန်းကျင်မှာ အဆင်ပြေစေဖို့ ၊ ဘဝလမ်းတစ်လျှောက် အကူညီကောင်းများနဲ့ အောင်မြင်စေဖို့ စေတနာအရင်းခံပြီး 
ဒီကျင့်စဉ်လေးကို ရေးသားတင်ပြလိုက်ရပါတယ် ။ 

လူတိုင်း ဒီကျင့်စဉ်ကို ကျင့်နိုင်တယ် ။
အထူးသဖြင့် လောကီလမ်းကို လိုက်စားနေတဲ့ 
လူတွေပိုကျင့်သင့်ပါတယ် ။ ကျင့်စဉ် အောင်မြင်
သြားတဲ့အခါ ရရှိလာမယ့် အကျိုးကျေးဇူးတွေကတော့ -

ခုနှစ်ရက် သား၊သမီးမ်ား အလွန်ချစ်ခင်
လေးစားလာမယ် ။ အလုံးစုံသော လူနတ်ဗြဟ္မာ 
သတ္တဝါများ မေတ္တာသက်ဝင်လာမယ် ။ 
နတ်ဒေဝီဒေဝါများ ၊ စုန်းကဝေများ ၊ ၃၇ မင်းနတ်များ ၊ အဝရုဒ္ဓက နတ္ဘီလူးဆိုးမ်ား ၊ တစေၧ ၊ မြေဘုတ် ၊ အစိမ်းသရဲများ ၊ နာနာဘာဝများပါမကျန် 
ချစ်ခင်လေးစားပါလိမ့်မယ် ။ မိမိအပေါ် 
မလိုမုန်းထား ရန်ငြိုးဖွဲ့ထားတဲ့ လူမ်ား ၊ 
အထက် အရာရှိကြီးများပါ ချစ်ခင်လာစေပါတယ် ။ ဘေးအန္တရာယ်ကင်းရှင်းပြီး အကြံအစည်တွေ အထမြောက် အောင်မြင်လာပါလိမ့်မယ် ။ 
ကဲ ပေရှည်တာ နည်းနည်းများသွားပြီ ။ 
ကျင့်စဉ်ရဲ့ တစ်ဆင့်ချင်းကို ဖော်ပြပေးမယ် ။ 

ရှေးဦးစွာ ပရိကံပြုခြင်း
==============================

- အဓိဋ္ဌာန်ပုတီး မစိပ်ခင် ပရိကံပြုရမယ့် 
အနေနဲ့ ပထမဆုံး ဘုရားရွိခိုး ၊ 
ဘုရားပင့် ၊ ငါးပါးသီလ ခံယူ ၊ နတ်ပင့်ပါ ။ 

- ပုတီးစိပ်မယ့် ရှေ့မှာ ရေတစ်ခွက်ထားပါ ။ 

- နမောတဿ သုံးကြိမ် ဖြည်းဖြည်းနဲ့
မှန်မှန်ကန်ကန်ရွတ်ပြီး တပည့်တော်၏ 
ခန္ဓာငါးပါး ၊ ရုပ်နာမ်နှစ်ပါးကို 
မြတ်စွာဘုရားရှင်အား လှူဒါန်းပါ၏ ဘုရား ။

- တပည့်တော်သည် မိုက်မဲတွေဝေခဲ့သည့်အလျောက် ရတနာမြတ်သုံးပါးနှင့် တကြ မိဘ ၊ ဆရာ ၊
အရှင်သူမြတ်တို့အား ကံသုံးပါးတို့တွင်
တစ်ပါးပါးဖြင့်ပြစ်မှားမိခဲ့သည်ရှိခဲ့ပါသော် 
ထိုအျပစ္တို့မွ ပျောက်ပါစေခြင်းအကျိုးငှာ 
တောင်းပန်ဝန်ချကန်တော့ပါ၏ အရှင်ဘုရား ။ 

- ထို့နောက် ခင်ပွန်းကြီး ဆယ်ပါးကန်တော့ချိုး 
ပါဠိ နှင့်တကွ အနက်ကိုပါသေချာ
ရွတ်ဖတ်ပြီး တောင်းပန်ဝန်ချကန်တော့ပါ ။ 

- ကိုယ်စောင့်နတ် ၊ အိမ်စောင့်နတ် ၊ ကျောင်းစောင့်နတ် ၊ လမ်းစောင့်နတ် ၊ ရပ်ကွက်စောင့်နတ် ၊ လောကပါလ
စောင့်နတ် ၊ ရွာစောင့်နတ် ၊ မြို့စောင့်နတ် ၊ သာသနာတော်စောင့်နတ် ၊ ကမ်ဘာစောင့်နတ်များ နှင့်တကွ
၃၁ ဘုံကျင်လည်ကုန်သော ရှိရှိသမျှ လူ ၊ နတ် ၊ 
ဗြဟ္မာ ၊ ပုဂ္ဂိုလ် ၊ သတ္တဝါဟူသမျှတို့သည် 
အသက်ထက်ဆုံးဘေးမသီရန်မခ ၊ 
ကျန်းမာချမ်းသာကြပါစေကုန်သတည်း ။ 

- ဘဝအဆက်ဆက်မှစ၍ ယခုဘဝတိုင် ပြုခဲ့သမျှ 
တပည့်တော်၏ ဒါန ၊ သီလ ၊ ဘာဝနာ စေသာ
ကုသိုလ်တို့သည် တပည့်တော်အလိုရှိအပ်သော 
တောင်းဆုသို့ ပြည့်မြောက်အောင် ဖြည့်ဆည်းရာတွင်ထောက်ပံ့ပေးနိုင်သော စွမ်းအားတစ်ခုသည် 
ဧကန်အမှန်ဖြစ်ပါစေအရှင်ဘုရား ။

သစ္စာအဓိဌာန် ပြုခြင်း
=============================

- အရှင်ဘုရား ဘုရားတပည့်တော်သည် 
ယနေ့ယခုအချိန်အခါ၌ သဗ္ဗသိဒ္ဓိ ဂါထာတော်ကြီးအား ၁၀၈လုံးပါသော စိပ်ပုတီးဖြင့် ၁ ပတ္တိတိကို 
၉ ရက်တိုင်တိုင် အချိန်မှန်စိပ်ပါမည်ဟု 
သစ္စာဆိုအဓိဌာန်ပြုပါသည်အရှင်ဘုရား ။
ဒီနေရာမှာ အဓိဋ္ဌာန်ကို ၉ ရက်ကစပြီးဝင်ပါ ။ 
၉ ရက်ဝင်လို့အောင်ပြီးရင် ၁၈ ရက် ၊၂၇ ရက် ၊ 
၃၆ ရက် ၊ ၄၅ ရက် စသည်ဖြင့် 
နဝင်းကိုက် အဆင်ပြေသလို ဝင်နိုင်ပါတယ် ။ 

မှတ်ချက် - အချိန်မှန် ၊ နေရာမှန် ရပါမယ် ။ 
ဒီနေ့ ည ၉ နာရီ အဓိဋ္ဌာန်စပြီး 
နောက်နေ့ ည ၁၀ နာရီမွာ စလို့မရပါ ။ 

- သစ္စာအဓိဌာန်ပြုထားသော ၉ ရက် 
မပြည့်မခြင်း သတ်သတ်လွတ် စားသုံး၍ ခန္ဓာကိုယ်ကိုဆောက်တည်ပြီး သစ္စာအဓိဌာန်ဝင်ပါမည်ဘုရား ။ 

- ဘုရားတပည့်တော်သည် သစ္စာအဓိဌာန် 
ပုတီးစိပ်ရာ၌ စိပ်ပုတီးစိပ်၍မပြီးမခြင်း 
ခြေထောက်မပြင်ပဲ တစ်ထိုင်တည်းဖြင့် သော်လည်းကောင်း ၊ စိပ္ပုတီး စစိပ်သည့် 
အချိန်မှစ၍ မျက်စိမဖွင့်ဘဲ မပြီးမခြင်း 
မျက်စိတစ်မှိတ်တည်းဖြင့် သော်လည်းကောင်း ၊ 
စိပ်ပုတီးစိပ်နေစဉ် အတောအတွင်း မည့်သည့်တစ်စုံတစ်ဦး ခေါ်ဆိုသော်လည်း စကားပြန်မပြော ၊ အသံမပြုဘဲဖြင့်လည်းကောင်း ၊ မှက်ခြင်များကိုက်သော်လည်း မရိုက်မပွတ်မသတ်ဘဲ သော်လည်းကောင်း ၊ ချေွးများထွက်သော်လည်းမသုတ်ဘဲဖြင့် သော်လည်းကောင်း ၊ ထိုကဲ့သို့သော 
အချက်များဖြင့် သစ္စာဆိုအဓိဌာန် တင်းကျပ်၍ 
စိပ်ပုတီးစိပ်ပါမည်ဟု သစ္စာပြုပါသည် အရှင်ဘုရား ။ 

မှတ်ချက် - 

မနိုင်ဝန်ထမ်းရမည့် ကိစ္စများအတွက် 
ဖြုတ်ချင်ဖြုတ်ထားခဲ့ပါ ။ နတ်ဗြဟ္မာအပေါင်းကို သက်သေထားပြီး သစ္စာဖြင့်ပြန်ချုပ်ရတဲ့ ကျင့်စဉ်ဖြစ်လို့ အကျိုးပေးအနည်းအများတော့ကွာပါလိမ့်မည် ။ 

- ဘုရားတပည့်တော်ပင့်ဖိတ်၍ ကြွရောက်
လာကြကုန်သော လူနတ်ဗြဟ္မာ ၊ သူတော်စင် 
ပုဂ္ဂိုလ်ထူးပုဂ္ဂိုလ်မြတ်တို့အားလည်းကောင်း ၊ 
သမ္မာဒေဝ နတ်မြတ်နတ်ကောင်း နတ်အပေါင်းတို့အားလည်းကောင်း ၊ အလုံးစုံသော ဝိဇ္ဇာ ၊ ဇော်ဂျီ ၊ 
တပဿီ အစရှိသော သူတော်ကောင်းအပေါင်းတို့အား လည်းကောင်း ၊ ဘုရားတပည့်တော်အား စောင့်ရှောက်ကြကုန်သော အစောင့်ရှောက်နတ်မင်းများ ၊ 
သိဒ္ဓိရှင်များ ၊ မဟိဒ္ဓိရှင်များ ၊ ပါရမီရှင်များ 
အပေါင်းတို့အား လည်းကောင်း ၊ သဗ္ဗသိဒ္ဓိ 
ဂါထာတော်မြတ်ကြီးအား စောင့်ရှောက်လျက် 
ရှိကြကုန်သော အစောင့်ရှောက် နတ်မင်းများ ၊ 
သိဒ္ဓိရှင်များ ၊ မဟိဒ္ဓိရှင်များ ၊ ပါရမီရှင်များအပေါင်းတို့အား လည်းကောင်း ၊ အသိသက်သေအရာထား၍ မြတ်စွာဘုရားရှင် ကိုယ်တော်မြတ်ကြီး ထံမှောက်၌ 
သစ္စာအဓိဌာန်ပြုအပ်ပါသည် အရှင်ဘုရား ။ 

- ထိုကဲ့သို့ သစ္စာအဓိဌာန် ပြုထားသည်နှင့်အညီ 
ယနေ့ယခုအချိန်အခါ၌ စိပ်ပုတီးစတင်၍ 
စိပ်ပါတော့မည် အရှင်ဘုရား ။ စိပ်ပုတီးစတင်၍ 
စိပ်ခွင့်ပြုပါရန်ရိုသေလေးမြတ်စွာတောင်းပန်လျှောက်ထားအပ်ပါသည် အရှင်ဘုရား ။

အထက်ပါ သစ္စာအဓိဋ္ဌာန်ပြုတဲ့
စာပိုဒ်တွေကို အဓိဋ္ဌာန်စဝင်မည့်
ပထမဆုံးနေ့မှာသာ ရွတ်ဆိုရမှာဖြစ်ပါတယ် ။ 

ပုတီးစိပ်ရမည့် သဗ္ဗသိဒ္ဓိ ဂါထာတော်
===============================

သတ်ဗေ ဒေဝါစ ယက်ခါစ ၊ ဘူတာပေတာစ ဇော်ဂနီ ၊ 
ရာဇမတ္တာ မနုတ်သာစ ၊ သတ်ဗေဒေဝါ ဝိနာမန္တု ၊ 
ဒိတ္သြာဝ ပီယေတာ စိတ္တံ ၊ ပုတ်တောဝ သိနေဟံ မမ 
ဗုတ္ဓတ္သ အာနုဘာဝေန ၊ သဒါ ဟောတု ပိယာ မမ ။ 




အနက် အဓိပ္ပါယ်
========================

သတ်ဗေ - ခပ်သိမ်းကုန်သော 
ဒေဝါစ - နတ်တို့သည် လည်းကောင်း ၊
ယတ်ခါစ - ဘီလူးတို့သည် လည်းကောင်း ၊ 
ဘူတာပေတာစ - ဘုတ်ပြိတ္တာတို့သည် လည်းကောင်း ၊
ဇော်ဂနီ - စုန်းကဝေ ဇော်ဂနီတို့သည် လည်းကောင်း ၊
ရာဇမတ္တာ - မင်း၏ အမတ်တို့သည် လည်းကောင်း ၊
မနုတ်သာစ - လူသားတို့သည် လည်းကောင်း ၊ 
သတ်ဗေ - ခပ်သိမ်းကုန်သော 
ဒေဝါ - နတ်တို့သည် လည်းကောင်း ၊ 
မမ - တပည့်တော်အား ၊ 
ဝိနာမန္တု - ညွတ်ကြပါစေကုန်သတည်း ။
တေသံ - ထိုပုဂ္ဂိုလ်တို့၏
စိတ္တံ - စိတ်သည် ၊ 
ပိယေတာ - ချစ်သောအားဖြင့် ၊ 
ဒိတ္သြာဝ - ကြည့်၍သာလျှင် ၊ 
မမ - ကျွန်ုပ်အား 
သိနေဟံ - ချစ်ခြင်းကို ၊ 
ပုတ်တောဝ - သားကဲ့သို့ ၊ 
ကေရာတု - ပြုစေသတည်း ။ 
ဗုတ္ဓတ္သ - မြတ်စွာဘုရား၏
အာနုဘာဝေန - တန်ခိုးတေဇော်
အာနုဘော်တော်ဖြင့် ၊ 
မမ - ကျွန်ုပ်အား 
သဒါ - အခါခပ်သိမ်း ၊ 
ပိယာ - ချစ်မြတ်နိုးကုန်သည် ။ 

ခန္ဓာကိုယ်အတွင်း ချုပ်၍သိမ်းဆည်းခြင်း
====================================

- မြတ်စွာဘုရား ဘုရားတပည့်တော်သည် 
သစ္စာအဓိဋ္ဌာန်ပြုထားသည်နှင့် အညီ
သဗ္ဗသိဒ္ဓိ ဂါထာတော်မြတ်ကြီးအား
၁၀၈ ခေါက်တိတိ ရွတ်ဖတ် သရဇ္ဈာယ်၍
ပုတီးစိပ် ကျင့်ကြံအားထုတ် ပြီးပါပြီဘုရား ။

- ဘုရားတပည့်တော် ကျင့်ကြံသမျှ ဤ သဗ္ဗသိဒ္ဓိ 
ဂါထာတော်မြတ်ကြီး၏ ပညာတန္ခိုး ၊ မဟိဒ္ဓိတန်ခိုး ၊ သိဒ္ဓိတန်ခိုး ၊ သစ္စာတန်ခိုး ၊ မေတ္တာတန်ခိုး ၊ 
ဂုဏ်တော်တန်ခိုး ၊ ဂါထာတန္ခိုး အစုအပေါင်းတို့သည် ဘုရားတပည့်တော် ဦးခေါင်းရတနာထက်၌ 
မပျောက်မပျက် တည်ရှိပါစေသတည်း ။ 

- ဘုရားတပည့်တော်၏ ဝဲယာ နှစ်ဘက် 
ပုခုံးအထက်၌ လည်းကောင်း ၊ နှလုံးအိမ်အတွင်း ၊ အဆုတ် ၊ အသည်း ၊ ကျောက်ကပ်အတွင်း၌ 
မပျောက်မပျက် တည်ရှိပါစေသတည်း ။ 

- တစ်ချက်ခြင်း မိမိစိတ်ထဲ ကျင့်ကြံခဲ့သမျှ  
စရဏအကျင့်များ မိမိခန္ဓာအိမ်ထဲ 
မပျောက်မပျက် သိမ်းဆည်းထားသလို 
အာရုံပြုပြီး တိုင်တည်သိမ်းဆည်းထားရပါတယ် ။

သစ္စာပြု ဆုတောင်းရန်
================================

ဘုရားတပည့်တော်သည် သစ္စာအဓိဌာန်ပုတီးစိပ်ရာ၌ စိပ်ပုတီးစိပ်၍မပြီးမခြင်း ခြေထောက်မပြင်ပဲ တစ်ထိုင်တည်းဖြင့် သော်လည်းကောင်း ၊ စိပ္ပုတီး 
စစိပ်သည့် အချိန်မှစ၍ မျက်စိမဖွင့်ဘဲ မပြီးမခြင်း 
မျက်စမျက်စိတစ်မှိတ်တည်းဖြင့် သော်လည်းကောင်း၊စိပ်ပုတီးစိပ်နေစဉ် အတောအတွင်း မည့်သည့်တစ်စုံတစ်ဦး ခေါ်ဆိုသော်လည်း စကားပြန်မပြော ၊ အသံမပြုဘဲဖြင့်လည်းကောင်း ၊ မှက်ခြင်များကိုက်သော်လည်း မရိုက်မပွတ်မသတ်ဘဲ ၊ ချေွးများထွက်သော်လည်းမသုတ်ဘဲဖြင့် သော်လည်းကောင်း ၊ 
ထိုကဲ့သို့သော အချက်များဖြင့် သစ္စာဆိုအဓိဌာန်တင်းကျပ်၍ စိပ်ပုတီးစိပ်ခဲ့ပါသည် အရှင်ဘုရား ။ 

- ဤသစ္စာများမှန်ကန်ပါက 
ဤမှန်ကန်သော သစ္စာစကားများကြောင့် ၊ 
ဤမှန်ကန်သော သစ္စာစကားများ၏ 
တန်ခိုးတေဇော် အာနုဘော် ၊ အာဏာတော် ၊ အာဏာစက်တို့ကြောင့် လူ ၊ နတ် ၊ ဗြဟ္မာ ၊ ဒေဝီဒေဝါ ၊ စုန်း ၊ ဘုတ် ၊ ကေဝ ၊ မိစၧာ ၊ အောက်လမ်း ၊ 
ကြမ်းတမ်းသဘက် ဘီလူးများနှင့် ၃၁ ဘုံသားမ်ား အားလုံးတို့သည် ဘုရားတပည့်တော်အား 
ဝမ်းကြာတိုက်မှ ဖွားမြင်သော ရင်ဝယ်သားကဲ့သို့ 
ချစ်ခင်ကြင်နာကြ၍ တပည့်အလိုရှိသည့်အခါတိုင်း ကူညီစောင့်ရှောက်ကြပါစေကုန်သတည်း ။ 

- ပြီးလျှင် ရှေ့မှာချထားတဲ့ ရေခွက်ကို 
ပါးစပ်နားကပ်ကာ သဗ္ဗသိဒ္ဓိ ဂါထာနဲ့
၉ ခေါက်ရွတ်ဖတ်ပြီး ကုန်အောင်သောက်ပါ ။ 

- နောက်ရက်များတွင် ဘုရားတပည့်တော်သည် 
သဗ္ဗသိဒ္ဓိ ဂါထာတော်မြတ်ကြီးအား ၁၀၈ လုံးပါသောပုတီးဖြင့် ၊ ပုတီး ၁ ပတ္တိတိကို ၉ အချိန်မှန်စိပ်ရန် 
အဓိဌာန်ဝင်ထားသည်နှင့် အညီ ယနေ့အဖို့ 
ကျန်ရှိနေသေးသော အဓိဌာန်ပုတီးပတ်များအား ဆက်လက်၍ စိပ်ခွင့်ပြုပါရန် ရိုသေလေးမြတ်စွာ တောင်းပန်လျှောက်ထားအပ်ပါသည် အရှင်မြတ်ဘုရား ။ 

မှော်စဉ်ကဏ္႑ပြီး၏ ။ 

မေတ္တာဖြင့် - 

#ပိုင်ဖြိုးကျော်@
#Little_Donut

မူရင်းလင့်။ ။https://www.facebook.com/groups/357203587979338/permalink/1245615449138143/

 မူလေရးသားသူကို crd ပေးပါတယ်

No comments: