{ လန်းဖြာလို့ ကျန်းမာ၊ ချမ်းသာရလေအောင် }
ဘုမ္မိကျရောက်လို့ အကြပ်အတည် အခက်အခဲအမျိုးမျိုးနှင့် ကြုံတွေ့ရလို့ ဖြစ်စေ၊ ကျန်းမာရေးချို့တဲ့ နေ၍ဖြစ်စေ၊ ရောဂါအတွက် ပေးထားသော ဆေးစား ဆေးသောက်နေလျက် ဆေးမတိုး၍ စူးရောက်မှုမရှိဘဲ ဖြစ်နေ၍ဖြစ်စေ၊ အောက်ဖော်ပြပါ "အထက်ဆောင်ပန်း" အောက်နင်းကြမ်းနှင့် ဆန်လှူ ယတြာအစီအရင်လေးကို လုပ်ဆောင်ကြည့်စေလိုပါတယ်။ နေမကောင်းဖြစ်ခြင်း၊ နာတာရှည်နေခြင်း၊ ဆေးချက်မထိခြင်းတို့ ကင်းစေပြီး တဒင်္ဂရက် အပိုင်းအခြားကလေးမှာပင် ကျန်းမာရေး ပြန်ကောင်းလာစေမည့် မြေပေါ်မှာ ဆန်ပုံယတြာ အစီအရင်ကောင်းလေး ဖြစ်ပါတယ်။
ဒီနေရာမှာ အလျင့်သင့်လို့ ဘုမ္မိဂြိုဟ်အိပ် ဂြိုစားနဲ့ ဘုမ္မိသက်ရောက်တာကို အနည်းငယ် ပြောပြပေးပါ့ရစေဗျာ။ ဘုမ္မိသက်ရောက်နှစ်ဆိုတာ မြာမာ့ရိုးရာ ဗေဒင်ပညာရပ်တွင် ဂြိုဟ်အိပ် ( ဂြိုဟ်စား)နှင့် သက်ရောက် ဆိုပြီး ရှိပါတယ်။ ဂြိုဟ်အိပ် ( ဂြိုဟ်စား) ဆိုသည်မှာ မိမိမွေးနံဂြိုဟ်မှစပြီး၊ အဋ္ဌလဂ် ဂြိုဟ်၈ခွင်အတိုင်း ဂြိုဟ်သက်များ အဆင့်ဆင့်ပေါင်းသွားခြင်းဖြင့် မိမိတို့ရဲ့ ဂြိုဟ်အိပ် ( ဂြိုဟ်စား)ကို သိနိုင်လေသည်။ မည်သည့် နေ့သားသမီးမဆို မိမိတို့၏ မွေးနံဂြိုဟ်က စပြီး ဂြိုဟ်အိပ်(ဂြိုဟ်စား) ပါတယ်။
ထို့အတူ မိမိတို့၏ ရောက်ဆဲအသက်ကို တည်ပြီး (၈)နဲ့စားပါ၊ မိမိတို့ရဲ့ မွေးနံဂြိုဟ်ခွင်မှ အဋ္ဌလဂ်ဂြိုဟ်ရှစ်ခွင်အတိုင်း အကြွင်းကျရောက်ရာကို သက်ရောက်ဟု ခေါ်ပါတယ်။
ထိုကဲ့သို့ ဂြိုဟ်စား၊ သက်ရောက်ဟောကိန်းများတွင် မိမိတို့၏ မွေးနံခွင်မှ (၄)ခုမြောက်ခွင်ကို "ဘုမ္မိ" ဟု ခေါ်ပါတယ်။ ထို "ဘုမ္မိ" ဆိုသော စကားသည်၊ ပါဠိစကားအရ မြေကြီးဟု အဓိပ္ပာယ် ရပါတယ်သည်။
မြန်မာ့ရိုးရာ ဗေဒင်အယူအဆတွင် ဘုမ္မိကို မကောင်းသောနေရာ၊ အမှိုက်သရိုက်၊ သလိပ်၊ တံတွေ၊ နှပ်၊ သွေးသံ၊ အညစ်အကြေးများ စွန့်ပစ်ရာ နေရာ၊ လူသေကောင်များ မြှုပ်နှံရာ သင်္ချ ိုင်းဟု ယူဆပါသည်။ ထို့ကြောင့် ဘုမ္မိသို့ ဂြိုဟ်အိပ် (ဂြိုဟ်စား)လျှင် ဖြစ်စေ၊ သက်ရောက်လျှင်ဖြစ်စေ ကံ ညံ့တက်သည်ဟု ယူဆကြပါသည်။
(ဘုမ္မိနှစ်ချက် မအေးကွက်) ဘုမ္မိနှစ်ချက်မိတဲ့ အသက်အပိုင်းအခြားမှာ အနည်းနဲ့အများ ကျန်းမာရေး၊ လူမှုရေး အစစ အရာရာ ညံ့ခိုက်တက်တယ်လို့ ဆိုပါတယ်။ ဒါပေမယ့် မူလမဟုတ်၊ ကောဇာမဟာဘုတ်နှင့် ပြန်ညှိရတယ်။
ဘုမ္မိနှစ်ချက် မိ'မမိကို သိရအောင် လင်္ကာကလေး ကျက်မှတ်ထားကြပေါ့ဗျာ။ ဟုတ်ပြီးလား
၁။ အင်းလှရွာ၊
၂။ ကြံတောင်းသွား၊
၃။ စောင့်ပါအုံး၊
၄။ လေးရွာကို၊
၅။ မြအောင်လာ၊
၆။ သူဇာမေ၊
၇။ နွေသာစွ
၈။ ရှင်ငယ်တို့ ဟူ၍ဖြစ်ပါသည်။
၁။ တနင်္ဂနွေသားသမီး။ ။ ဗုဒ္ဓဟူးမှာ ဂြိုဟ်အိပ်ဂြိုဟ်စားပြီး၊ ရာဟုမှာ သက်ရောက်ရင် ဘုမ္မိနှစ်ချက်မိပါတယ်။ ( အင်းလှရွာ)
၂။ တနင်္လာသား။ ။ စနေမှာ ဂြိုဟ်အိပ်ဂြိုဟ်စားပြီး သောကြာမှာ သက်ရောက်ရင် ဘုမ္မိနှစ်ချက်မိပါတယ်။ (ကြံတောင်းသွား)
၃။ အင်္ဂါသားသမီး။ ။ ကြာသပတေးမှာ ဂြိုဟ်အိပ်ဂြိုဟ်စားပြီး တနင်္ဂနွေသက်ရောက်ရင် ဘုမ္မိနှစ်ချက်မိပါတယ်။ (စောင့်ပါအုံး)
၄။ ဗုဒ္ဓဟူးသားသမီး။ ။ ရာဟုမှာ ဂြိုဟ်အိပ်ဂြိုဟ်စားပြီး တနင်္လာမှာ သက်ရောက်ရင် ဘုမ္မိနှစ်ချက်မိပါတယ်။ (လေးရွာကို)
၅။ ကြာသပတေးသားသမီး။ ။ တနင်္ဂနွေမှာ ဂြိုဟ်အိပ်ဂြိုဟ်စားပြီး ဗုဒ္ဓဟူးမှာ သက်ရောက်ရင် ဘုမ္မိနှစ်ချက်မိပါတယ်။ ( မြအောင်လာ)
၆။ သောကြာသားသမီး။ ။ အင်္ဂါမှာ ဂြိုဟ်အိပ်ဂြိုဟ်စားပြီး ကြာသပတေးမှာ သက်ရောက်ရင် ဘုမ္မိနှစ်ချက်မိပါတယ်။ ( သူဇာမေ)
၇။ စနေသားသမီး။ ။ သောကြာမှာ ဂြိုဟ်အိပ်ဂြိုဟ်စားပြီး အင်္ဂါမှာ သက်ရောက်ရင် ဘုမ္မိနှစ်ချက်မိပါတယ်။ ( နွေသာစွ)
၈။ ရာဟုသားသမီး။ ။ တနင်္လာမှာ ဂြိုဟ်အိပ် ဂြိုဟ်စားပြီး စနေမှာ သက်ရောက်ရင် ဘုမ္မိနှစ်ချက်မိပါတယ်။ ( ရှင်ငယ်တို့)
ထို့ကြောင့် ဘုမ္မိသို့ ဂြိုဟ်အိပ်(ဂြိုဟ်စား)လျှင်ဖြစ်စေ၊ သက်ရောက်လျှင် ဖြစ်စေ ကံညံ့ဆိုးတက်သည်ဟု ယူဆကြပါသည်။
ထိုဘုမ္မိနှင့် ပက်သက်ပြီး (၃)မျိုးရှိပါသည်။
၁။ ဘုမ္မိ၊
၂။ ဘုမ္မိလေး၊
၃။ ဘုမ္မိကြီး ဟူ၍ ဖြစ်ပါသည်။
၁။ ဘုမ္မိ
ဂြိုဟ်အိပ်(ဂြိုဟ်စား)နှင့် သက်ရောက်တို့ ဘုမ္မိအိမ်တွင် ကျရောက်သောနှစ်ကို ဆိုလိုပါသည်။
မတွက်ချက်ရစေရန် နေ့သားသမီးအလိုက် ဘုမ္မိကျရောက်သော အသက်ပိုင်းများကို ဖော်ပြဝေမျှပေးလိုက်ပါသည်။
၁။တနင်္ဂနွေသားသမီးများ ဘုမ္မိကျသောနှစ်၃၆၊၄၄
၂။ တနင်္လာသားသမီးများ ၄၄
၃။ အင်္ဂါသားသမီးများမှာ ၃၆၊ ၄၄၊ ၅၂
၄။ ဗုဒ္ဓဟူးသားသမီးများမှာ ၅၂
၅။ ကြာသပတေးသားသမီးများ ၅၂
၆။ သောကြာသားသမီးများမှာ ၄၄
၇။ စနေသားသမီးများမှာ ၄၄၊ ၅၂၊ ၆၀
၈။ ရာဟုသားသမီးများမှာ ၄၄နှစ်၊ ၅၂နှစ်
၂။ ဘုမ္မိလေး
မိမိမွေးနံမှ (၄)ခုမြောက် ဘုမ္မိနေရာမှ ထပ်မံ၍ ရေတွက်ရာ (၄)ခုမြောက် ( မိမိမွေးနံမှ (၇)ခုမြောက်)တွင် သက်ရောက်ပါက ဘုမ္မိလေးဟု ခေါ်ပါသည်။ ၎င်းမှာ မိမိအသက်ကို တည် (၈)ဖြင့်စားပါက (၇)ကြွင်းသောနှစ်များကို ဆိုလိုပါသည်။ ထို့ကြောင့် မည်သည့်နေ့သားမဆို အောက်ပါ အသက်ပိုင်းများတွင် ဘုမ္မိလေး ကျရောက်ပါသည်။
၇နှစ်၊ ၁၅နှစ်၊ ၂၃နှစ်၊ ၃၁နှစ်၊ ၃၉နှစ်၊
၄၇နှစ်၊ ၅၅နှစ်၊ ၆၃နှစ်၊ ၇၁နှစ်၊ ၇၉နှစ်၊
၈၇နှစ်၊ ၉၅နှစ်၊ ၁၀၃နှစ်တို့ ဖြစ်ပါသည်။
၃။ ဘုမ္မိကြီး
မိမိမွေးနံမှ (၄)ကြိမ်မြောက် ဘုမ္မိအိမ်တွင် ဂြိုဟ်အိပ်(ဂြိုဟ်စား)ပြီး ဘုမ္မိ(၂)ကြိမ်မြောက် [(၇)ခွင်ဘုမ္မိ]တွင် သက်ရောက်ကျသူများကို ဆိုလိုပါသည်။ တွက်စရာမလိုအောင် ဖော်ပြမျှဝေပေးလိုက်ပါသည်။
၁။ တနင်္ဂနွေသားသမီး ဘုမ္မိကြီးကျရောက်သောနှစ်မှာ အသက် ၃၁နှစ်၊ ၃၉နှစ်။
၂။ တနင်္လာသားသမီး ဘုမ္မိကြီးကျရောက်သောနှစ်မှာ အသက် ၄၇နှစ်။
၃။ အင်္ဂါသားသမီး ဘုမ္မိကြီးကျရောက်သောနှစ်မှာ အသက် ၃၉နှစ်၊ ၄၇နှစ်။
၄။ ဗုဒ္ဓဟူးသားသမီး ဘုမ္မိကြီးကျရောက်သောနှစ်မှာ အသက် ၄၇နှစ်၊ ၅၅နှစ်။
၅။ ကြာသပတေးသားသမီး ဘုမ္မိကြီးကျရောက်သောနှစ်မှာ အသက် ၅၅နှစ်။
၆။ သောကြာသားသမီး ဘုမ္မိကြီးကျရောက်သောနှစ်မှာ အသက် ၄၇နှစ်။
၇။ စနေသားသမီး ဘုမ္မိကြီးကျရောက်သောနှစ်မှာ အသက် ၄၇နှစ်၊ ၅၅နှစ်။
၈။ ရာဟုသားသမီး ဘုမ္မိကြီးကျရောက်သောနှစ်မှာ အသက် ၃၉နှစ်၊ ၄၇နှစ်တို့ ဖြစ်ပါသည်။
ထို့သို့သော ဘုမ္မိ၊ ဘုမ္မိလေး၊ ဘုမ္မိကြီး ကျရောက်သောနှစ်များတွင် ကံဆိုးစရာဖြစ်ရပ်များ၊ ဆုံးရှုံးစရာအကြောင်းအရာများ၊ အချစ်ရေး၊ အိမ်ထောင်ရေးကိစ္စများ၊ ချစ်သူရည်းစားများ၊ လင်မယားတွေမှာ လင်မှု မယားမှု ပူပင်သောက ဖြစ်စရာအကြောင်းအရာ ပြဿနာမျာနှင့် ကြုံတွေ့ရတက်ပါသည်။ အထူးသဖြင့် ဘုမ္မိ(၃)မျိုးထဲတွင် ဘုမ္မိကြီးသည် အလွန် ဆိုးကျိုးပေးတက်သည်ဟု သိရှိကြရသည်။
(၇)ရက်သားသမီးတို့သည် မိမိဘဝ အစစ အရာရာ အောင်မြင် ချမ်းသာစေရန်အတွက် အောင်မြေကို ခေတ်အဆက်ဆက် နင်းကြသည်။ "ဘုမ္မိ" သည် "အောင်မြေ" ဖြစ်သည်။ အောင်မြေတွင် မူလသဘာဝ အောင်မြေ၊ အကြောင်းတစ်စုံတစ်ရာကြောင့် ဖြစ်ပေါ်လာသည့် အောင်မြေ (သို့မဟုတ်) နဂိုရှိပြီးအောင်မြေ၊ မိမိပြုလုပ်ရယူသော အောင်မြေ ဟူ၍ အသီးသီးရှိသည်။
ကျီးသဲလေးထပ် ဆရာတော်ကြီး ရေးသားတော်မူသည့် စွယ်စုံကျော်ထင်ကျမ်းတွင် လူတစ်ယောက်ကြီးပွားတိုးတက်စေလိုပါက " အထက်ဆောင်ပန်း၊ အောက်နင်းကြမ်း"ပေးသည်ဟု တွေ့ရှိရသည်။
"အထက်ဆောင်ပန်း၊ အောက်နင်းကြမ်း" လင်္ကာအရ ကြီးပွား တိုးတက်စေရန် (၇)ရက်သားသမီးတို့သည် မိမိတို့၏ နင်းကြမ်းနေ့များတွင် အထက်ပန်းဖြစ်သည့် အရွက်၊ အခက်၊ အညွန့်ပန်းများကို ဘုရားရှင်ထံ စနစ်တကျ ကပ်လှူပူဇော်၍ ဆုတောင်းခြင်းဖြင့် ကျန်းမာချမ်းသာလန်းဖြာပြီး ကောင်းကျိုးချမ်းသာသုခ ဘုမ္မိအောင်မြေရရှိမည် ဖြစ်သည်။
အထက်ဆောင်ပန်း၊ အောက်နင်းကြမ်း လင်္ကာအရ တနင်္ဂနွေသားသမီး ပုံစံနှင့် (၇)ရက်သားသမီးများ အတွက် အသင့်အသုံးပြုနိုင်ရန် ဖော်ပြဝေမျှလိုက်ပါတယ်။
၅ ]<^
၂ ]>^ အထက်ဆောင်ပန်း
၆ ]<^
၁ =<<<မွေးနံ ( တနင်္ဂနွေ )
၄ ]<|
၇ ]>|အောက်နင်းကြမ်းနေ့များ
၃ ]<|
(၇)ရက်သားသမီးများရဲ့ အထက်ဆောင်ပန်းများနှင့် နင်းကြမ်းနေ့များကို အလွယ်တကူသိရှိစေရန် မျှဝေပေးလိုက်ပါတယ်။
၁။ တနင်္ဂနွေသားသမီးများ ဘုရားလှူရန် ဆောင်ပန်း သီဟိုဠ်(၂၁)ညွန့်၊ ကံကော်(၁၅)ညွန့်၊ မေမြို့ (၁၉)ပွင့်၊ ပြုလုပ်ဆောင်ရွက်ရန် နင်းကြမ်းနေ့ နံနက် ၆နာရီမှ ၇နာရီခွဲ ဗုဒ္ဓဟူးနေ့၊ စနေနေ့၊ အင်္ဂါနေ့။
၂။ တနင်္လာသားသမီးများ ဘုရားလှူရန် အထက်ဆောင်ပန်း ထန်း(၁၀)၊ ဇီး(၈)၊ သီဟိုဠ် (၂၁)ညွန့်၊ ပြုလုပ်ဆောင်ရွက်ရန် နင်းကြမ်းနေ့ နံနက် ၆နာရီမှ ၇နာရီခွဲ ကြာသပတေးနေ့၊ တနင်္လာနေ့၊ ဗုဒ္ဓဟူးနေ့။
၃။ အင်္ဂါသားသမီးများ ဘုရားလှူရန် အုန်း (၆)ညွန့်၊ ရွက်လှ (၁၇)ညွန့်၊ ထန်း ၁၀ညွန့်၊ ပြုလုပ်ဆောင်ရွက်ရန်နေ့ နံနက် ၆နာရီမှ ၇နာရီခွဲ သောကြာနေ့၊ တနင်္လာနေ့၊ ကြာသပတေးနေ့။
၄။ ဗုဒ္ဓဟူးရာဟုသားသမီးများ ဘုရားကပ်လှူပူဇော်ရန် အထက်ဆောင်ပန်း ကံကော် (၁၅)ညွန့်၊ မေမြို့ (၁၉)ပွင့်၊ အုန်း (၆)ညွန့်၊ ပြုလုပ်ဆောင်ရွက်ရန် နင်းကြမ်းနေ့ နံနက်၆နာရီမှ ၇နာရီခွဲ စနေနေ့၊ အင်္ဂါနေ့၊ သောကြာနေ့။
၅။ ကြာသပတေးသားသမီးများ ဘုရားလှူ ရန် အထက်ဆောင်ပန်မှာ ဇီး (၈)ညွန့်၊ သီဟိုဠ် (၂၁)ညွန့်၊ ကံကော် (၁၅)ညွန့်၊ ပြုလုပ်ဆောင်ရွက်ရန် နင်းကြမ်းနေ့ နံနက် ၆နာရီမှ ၇နာရီခွဲ တနင်္ဂနွေနေ့၊ ဗုဒ္ဓဟူးနေ့၊ စနေနေ့။
၆။ သောကြာသားသမီးများ ဘုရားကပ်လှူပူဇော်ရန် ဆောင်ပန်း ရွက်လှ (၁၇)ညွန့်၊ ထန်း (၁၀)ညွန့်၊ ဇီး (၈)ညွန့်၊ ပြုလုပ်ဆောင်ရွက်ရန် နင်းကြမ်းနေ့ နံနက် ၆နာရီမှ ၇နာရီခွဲ တနင်္လာနေ့၊ ကြာသပတေးနေ့၊ တနင်္ဂနွေနေ့။
၇။ စနေသားသမီးများ ဘုရားကပ်လှူ ပူဇော်ရန် မေမြို့ (၁၉)ပွင့်၊ အုန်း (၆)ညွန့်၊ ရွက်လှ (၁၇)ညွန့်၊ ပြုလုပ်ဆောင်ရွက်ရန် နင်းကြမ်းနေ့ နံနက် ၆နာရီမှ ၇နာရီခွဲ အင်္ဂါနေ့၊ သောကြာနေ့၊ တနင်္လာနေ့။
(အထက်ပါပြောပြခဲ့သော နေ့ရက်အချိန်မှာ အထက်ဆောင်ပန်းတွေကို ကပ်လှူပူဇော်၍ ငါးပါးသီလစောင့်တည်ပြီး အနန္တငါးပါး ဦးထိပ်ထားဂါထာနှင့် အောင်မြေနင်းလင်္ကာ (၉)ခေါက်ရွတ်ဖတ်သရဇ္ဈာယ် ပူဇော်ပြီး လိုရာဆုတောင်းပါ )
{ အနန်တငါးဖြာ ဦးထိပ်ထားဂါထာ }
_/\_ ဗုဒ္ဓဂုဏော၊ အနန္တော၊ တံ ဗုဒ္ဓဂုဏံ အဟံ ဝန္ဒာမိ ပါဘုရား။
ဓမ္မဂုဏော၊ အနန္တော၊ တံ ဓမ္မဂုဏံ အဟံ ဝန္ဒာမိ ပါဘုရား။
သံဃဂုဏောအနန္တော၊ တံ သံဃဂုဏံ
အဟံ ဝန္ဒာမိ ပါဘုရား။
မာတာပိတုဂုဏော၊ အနန္တော၊ တံ မာ
တာပိတုဂုဏံ အဟံ ဝန္ဒာမိ ပါဘုရား။
အာစရိယဂုဏော၊ အနန္တော၊ တံ အာ
စရိယဂုဏံ အဟံ ဝန်ဒာမိ ပါဘုရား။
အနန်တဂုဏ တဇေနေ မမ ကာယေ သဗ္ဗသောကာစ၊ သဗ္ဗရောဂါစ၊ သဗ္ဗအန္တရာယော စ၊ ခိပ္ပံ ဝိနဿန္တု၊၊ သဗ္ဗဝေရီယော ဂစ္ဆ အမုမှိ၊ သြကာသေ တိဋ္ဌာဟိ တိဋ္ဌာဟိ တိဋ္ဌာဟိ။
_/\_ ဗုတ်ဓဂုနော အနန်တော၊ တံ ဗုတ်ဓဂုဏံ အဟံ ဝန်ဒါမိ ပါဘုရား _/\_
_/\_ ဓမ်မဂုနော အနန်တော၊ တံ ဓမ်မဂုဏံ အဟံ ဝန်ဒါမိ ပါဘုရား _/\_
_/\_ သံဃဂုနော အနန်တော၊ တံ သံဃဂုဏံ အဟံ ဝန်ဒါမိ ပါဘုရား _/\_
_/\_ မာတာပိတုဂုနော အနန်တော၊ တံ မာတာပိတုဂုဏံ အဟံ ဝန်ဒါမိ ပါဘုရား _/\_
_/\_ အာစရိယဂုနော အနန်တော၊ တံ အာစရိယဂုဏံ အဟံ ဝန်ဒါမိ ပါဘုရား _/\_
အနန်တဂုဏ တေဇေန၊ မမ ကာယေ သတ်ဗသောကာစ၊ သတ်ဗရောဂါစ၊ သတ်ဗအန်တရာယောစ၊ ခိပ်ပံ ဝိနတ်သန်တု၊ သတ်ဗဝေရီယော ဂစ်ဆ အန်မုန်မှိ၊ သြကာသေ တိတ်ထာဟိ တိတ်ထာဟိ တိတ်ဌာဟိ။
____________________________
အောင်သံကျူးမန္တန်တော်
**************************
* အောင်စည်ကို ဟိန်း၊ အောင်ကိန်း ဆင်သ၊ ဟဒယကြည်နူး၊ အောင်ထူးအတိတ်၊ အောင်နိမိတ်နှင့်၊ အောင်သိဒ္ဓိ ဆင်မြန်းသည့်၊ ပလ္လင်နန်းမှန်ကင်း၊ အောင်ဗောဓိသစ်မင်း ပင်ခြေရင်း၌- ပါရမီဆယ်ချက်၊ အောင်လက်နက်စက်ခရိုင်ကို၊ အချက်ပိုင်ပိုင်၊ ကိုင်ဆောင်ပြီးလျှင်- - -
* အတွင်းအပြင် ရန်ဟူသမျှ ၊ မြူ မျှမထင်၊ သန့်စင်ပယ်ဖျက်၊ တစ်ခဲနက်အောင်ပွဲ၊ ခြိမ့်ခြိမ့်သဲမျှ ၊ ခံယူတော်မှု ထွတ်အငူအောင်ဓာတ်သို့၊ ဆိုက်ကပ်တော်မူပေ၊ ပရမေသခင်၊ အောင်ပွဲရှင်အဖြစ်၊ ထင်ပေါ်ကျော်ကြား၊ အို ရှင်တော်မြတ်ဘုရား
* ဘေးရန်အပေါင်း၊ ဝေကွာရှောင်ဖို့၊ ကောင်းစွာခတ်နှိပ်၊ အောင်တံဆိပ်ကို၊ အောင်ဟိတ်ခတ်ကာ၊ ပေးသနားတော်မူလှည့်ပါ၊ အောင် အရဟံ သိဒ္ဓိ မေ ဗုဒ္ဓေါ၊ မြတ်ရှင်စော၊ သြကာသ- - - သြကာသ - - - သြကာသ ပါဘုရား
နံနက် အိပ်ရာထ(၉)ခေါက်၊ ညအိပ်ရာဝင်(၉)ခေါက်၊ ခရီးသွားလာစရာရှိရင်(၉)ခေါက်၊ အမှုကိစ္စကြီးငယ်ပြုမူ လုပ်ကိုင်ပြောဆိုစရာရှိရင် (၉)ခေါက်၊ မိမိတို့၏ မွေးနံဂြိုဟ်အရပ်မှစ၍ အရပ်(၈)မျက်နှာကို တစ်ခေါက်ကျစီ လက်ယာရစ် လှည့်လည်ကာ ရွတ်ဆိုရန် ဖြစ်သည်။ နောက်ဆုံးတစ်ခေါက်သည် မိမိမွေးနံဂြိုဟ်တွင် ပြန်အုပ်ရန် ဖြစ်သည်။ စုစုပေါင်း(၉)ခေါက် ဖြစ်သည်။
အထက်ပါ အောင်မြေနင်းလင်္ကာနှင့်၊ အနန္တငါးပါး ဦးထိပ်ထားဂါထာတော်ကို၊ မိမိတို့ အာရုံဆန္ဒရှိတိုင်း ယုံကြည်စွဲမြဲစွာ ရွတ်ဖတ်သရဇ္ဈာယ်ပါက ဘေးရန်အမျိုးမျိုး၊ အန္တရာယ်အမျိုးမျိုး၊ ကင်းရှင်းပြီး အလုပ်အကိုင်၊ ကြံစည်ပြောဆိုမှုများ၊ တစ်စ တစ်စအောင်မြင်စေပြီး စီးပွားဥစ္စာတိုးတက် လာနိုင်ပါတယ်ခင်ဗျာ။ ရွတ်ပွားနိုင်ကြပါစေခင်ဗျာ။
၁။ တနင်္ဂနွေသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော တောင်အရပ်မှ၊ မြောက်သို့သွယ်တန်းလျက်၊ ဆန်သက်စေပုံကာ သတ္တဝါတွေကို မေတ္တာပို့ အစာကျွေးပေးပြီး ဆုတောင်းပါ။
၂။ တနင်္လာသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော အနောက်တောင်ထောင့်အရပ်မှ၊ အရှေ့မြောက်ထောင့်အရပ်သို့ သွယ်တန်းလျက်၊ ဆန်သက်စေ့ပုံလှူ ပြီး သတ္တဝါတွေကို မေတ္တာပို့ ဆုတောင်းပါ။
၃။ အင်္ဂါသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော အနောက်အရပ်မှ၊ အရှေ့အရပ်သို့ သွယ်တန်းလျက်၊ ဆန်သက်စေ့ပုံကာ သတ္တဝါတွေကို မေတ္တာပို့ အစာကျွေးပြီး ဆုတောင်းပါ။
၄။ ဗုဒ္ဓဟူးသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော အနောက်မြောက်ထောင့်အရပ်မှ၊ အရှေ့တောင်ထောင့်အရပ်သို့ သွယ်တန်းလျက်၊ ဆန်သက်စေ့ပုံကာ သတ္တဝါတွေကို မေတ္တာပို့ အစာကျွေးပြီး ဆုတောင်းပါ။
၅။ ကြာသပတေးသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော အရှေ့မြောက်ထောင့်အရပ်မှ၊ အနောက်တောင်ထောင့်အရပ်သို့ သွယ်တန်းလျက်၊ ဆန်သက်စေ့ပုံကာ သတ္တဝါတွေကို မေတ္တာပို့ အစာကျွေးပြီး ဆုတောင်းပါ။
၆။ သောကြာသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော အရှေ့တောင်ထောင့်အရပ်မှ၊ အနောက်မြောက်ထောင့်အရပ်ဘက်သို့ သွယ်တန်းလျက်၊ ဆန်သက်စေ့ပုံကာ သတ္တဝါတွေကို မေတ္တာပို့ အစာကျွေးပြီး ဆုတောင်းပါ။
၇။ စနေသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော မြောက်အရပ်မှ၊ တောင်အရပ်သို့ သွယ်တန်းလျက်၊ ဆန်သက်စေ့ပုံကာ သတ္တဝါတွေကို မေတ္တာပို့ အစာကျွေးပြီး ဆုတောင်းပါ။
၈။ ရာဟုသားသမီး ကျန်းမာ၊ ချမ်းသာလန်းဖြာရလေအောင် ဘုမ္မိအရပ်ဖြစ်သော အရှေ့အရပ်မှ၊ အနောက်သို့ သွယ်တန်းလျက်၊ ဆန်သက်စေ့ပုံကာ သတ္တဝါတွေကို မေတ္တာပို့ အစာကျွေးပြီး ဆုတောင်းပါ။
အဆိုပါ ယတြာကို လုပ်ဆောင်ကြည့်ခြင်းအားဖြင့် ထူးခြားမှုများရှိလာမည်ဖြစ်ကြောင်း မျှဝေလိုက်ရပါ၏။ အထက်ဆောင်ပန်းလှူ ပြီး ညနေ၄နာရီခွဲမှ ၆နာရီအချိန်မှာ ဆန်ပုံလှူတဲ့ ယတြာကို ပြုလုပ်ပါ။ ဆန်ပုံတဲ့အခါမှာ မိမိလက်ငါးချောင်းဖြင့် ယူပုံပါ။
{၇}ရက်သားသမီးအပေါင်းတို့၊ ကြံစည်သမျှအောင်မြင်ပြီးတော့၊ ဘဝအလုံးစုံ ကံကြမ္မာကောင်းခြင်းများ၊ ဖြစ်ထွန်းနိုင်ကြပါစေ။
ဆရာထိုက်ထိုက် (စက္ကထိုက်) ဆရာစိုးမင်းထိုက်
09 25 28 24 919 (Viber)
မူလရေးသားသူကို crd ပေးပါတယ်
